Tuesday, July 9, 2013

සිංගප්පූරු අනාථ සිහින 2


"මල්ලි තාම ලොක්කා ඇවිල්ලා නැහැලු ආවම ඔක්කොම කියලා දෙයි දැන් පොඩ්ඩක් එහෙ මෙහෙ බලාගන්නකෝ"

"හොදයි අයියේ අපිට මොනාද කරන්නේ තියෙන්නේ"

"ඔය තියන වැඩක් කරන්න තමා මල්ලි බය වෙන්න එපා ඒක නෙමේ මල්ලි සල්ලි ටික තියනවා නේ ලැස්ති කරගන්නකො"


අද එතැන් සිට.

"අපිට පොඩ්ඩක්වක් සැක හිතුනේ නැහැ අයියේ ලංකාවේදී අපේ සල්ලි ටික අරගෙන රට සල්ලි වලට මාරු කරලා ආපහු අපේ අතටම දුන්නනේ"

"අනික අපි සිහින මාලිගාවක අතර මං වෙලා හිටියේ අපේ ඌව දැක්කේ දෙයියෙක් වගේ අපි අහන්න කලින්ම සල්ලි ටික දුන්නා"

"දැන් නම් ඕකව අහුවුනොත් කම්බස්‌ කරනවා මූ  ටික වෙලාවක් කැරකි කැරකි ඔරලෝසුව දිහා බලන් හිටියා මල්ලි මං මුද්දරයක් අරං එන්නම් කියලා පල්ලෙහාට ගියා අනේ ගියා ගියාම තමා අයියේ බලන් ඉදලා බලන් ඉදලා බැරිම තැන අපි දොර ලගට ගියා එතනත් පැය දෙකක් හිටියා බැරිම තැන අරු කතා කරපු සික්කා ලගට ගිහිං පුළුවන් විදියට අපිත් එක්ක ආපු කෙනා කෝ කියලා ඇහුවාම මගේ අතේ තිබ්බ ප්ලාස්ටික් කැල්ල උදුරගෙන අපේ බෑග් ටික අපිට ආපහු දුන්නා  අපි කියවපුවා එකක් වත් ඌට තේරුනේ නැහැ බලන් ඉදලා බලන් ඉදලා බැරිම තැන තමා අයියේ ඇඩුනේ  එතකොට තමා ඔයාලව හම්බ වුනේ "

  මුන්ව රැවටිලා තියන විදිය ඇහුවාම මට අඩන්නද හිනා වෙන්නද කියලා හිතා ගන්න බැරි වුනා පව් වැඩේ මුන් මෙච්චර මෝඩ හින්දා තමා මෙච්චර ගොන් විදියට රවට්ටලා තියෙන්නේ මොනවා කරන්නද දැන් බලමු ඉස්සරහට මොනවද කරන්න තියෙන්නේ කියලා

"මල්ලි ඔයාලා ඔහොම රැවටිච්චී පලවෙනි සෙට් එක නෙමේ අන්තිම සෙට් එකත් නෙමේ ඒක හින්දා හොදට කල්පනා කරලා වැඩ කරන්න. ඔයාලා පොලිසියට ගියා කියලා ලොකු වැඩක් වෙන්නේ නැහැ ඔයාලා ගාව සාක්ෂි මොකුත් නැහැනේ අනික ජොබ් කරන්න ආවා කිව්වා ගමන් පොලිසියෙන් එවුන් බලන්නේ ඔයාලව ඉක්මනටම ලංකාවට යවන්න"

"ඔයාලට කරන්නේ තියෙන්නේ ක්‍රම දෙකයි එකක් පොලිසි ගිහිං ඇන්ට්‍රි එකක් දාලා අනිත් පැත්තට ලංකාවට ගිහිං එහෙත් පොලිසියේ ඇන්ට්‍රියක් දාලා අර අදුරනවා කිව්වා අයියා හරහා අරුව හොයා ගෙන සල්ලි ටික ගන්න උත්සහ කරන එක.  ඒක බැරි වුනත් එකෙන් අරුට ආපහු උබලා වගේ කොල්ලොන්ව අමාරුවේ දාන්න බැරි වෙයි"

"අනිත් ක්‍රමේ තමා ආපු වලෙන්ම ගොඩ එන්න කියලා හිතාගෙන මෙහෙ ඉන්න එක උබලගේ දැන් ඔය විසා එක ඉවර වෙන්න කලින් ඉන්ටෙර්නෙට් එක හරහා තව මාසයක් විසා දික් කරගන්න පුළුවන් ඊට පස්සේ මැලේසියා බොර්ඩර් ක්‍රොස් කරලා ආය ආවම තව මාසයක් හම්බ වෙනවා ඊටත් පස්සේ ඉතින් මල්ලි හිටියොත් උබලට ඉන්න වෙන්නේ හොරෙන් විසා නැතුව තමා ඒකට කියන්නේ පුසා වෙනවා කියලා  හොරෙන් ඉදලා පොලිසියට අහුවුනොත් පුකට කස පාරක් තුනක් ගහලා හිරෙත් ඉදලා තමා ලංකාවට යන්න වෙන්නේ එකට කියන්නේ පුසා ලේනා වෙනවා කියලා.උබලට පිගන් හෝදන රස්සාවක් හරි කර ගන්න පොඩ්ඩක් හරි ඉංග්‍රීසි කතා කරන්න පුළුවන් වෙන්න ඕනි අඩුම ගානේ මුන් කියන එකේ තේරෙන්න හරි ඕනි. මං ඔය කිව්වා විසා දික් කරගන්න වැඩ ටික කරගන්න වෙන්නේ උබලට තනියම තමා. මල්ලි මෙහෙ උබලව බලා කියාගන්න උදව් කරන්න කවුරුත් නැහැ හැමෝම ගේම ගහගන්නේ බොහම අමාරුවෙන්. ඔය ඔක්කොම වැඩ ටික කරගන්න පුළුවන් වුනත් උබලා දවසට පැය 15 ක් වැඩ කරත් උබලට ලංකාවේ සල්ලි වලින් ලක්ෂයක් විතර තමා මාසෙටම හොයන්න වෙන්නේ කෑම බිම ඉදුම් හිටුම් වලට අඩුවෙන්ම වියදම් කරලා   විසා වැඩ වලටත් ගියාම උබලට පිච්චියක්වත් ඉතුරැ වෙන්නේ නැහැ බන් උබලට තේර්නවනේ මම කියන දේ උබලගේ හොදට කියන්නේ කල්පනා කරලා තීරණයක්‌ ගනින්"

"මතක තියාගනින් මචං මේ සේරම කරදර අස්සේ දුක් විදලා හොදට හම්බ කරන එවුනුත් ඉන්නවා ඒ වගේ එකෙක් තමා උබලව ඔය ගෙනල්ලා අතරමං කරෙත් බාග වෙලාවට ඌත් උබලා වගේ ඇවිල්ලා අතරමං වෙච්ච් එකෙක් වෙන්න ඇති අනේ මන්දා බන් මේ මිනිස්සු උබලටත් කාගේ හරි බෙල්ලක් මිරිකලා සල්ලි හම්බ කරන්න පුලුවන්නම් නතර වෙයන් "  අපි බොහොම පැහැදිලිව උන් තුන්දෙනාට කරනු කාරනා පැහැදිලි කරලා දීලා එතන තිබ්බ ෆුඩ් කොර්ට් එකට එක්ක ගිහිං කන්න අරන් දුන්නා මුන් කන ගමනුත් බොහොම දුකෙන් මුණු මුණු ගානවා අපිට මෙයාලව මෙතන දාලා යන්නත් බැහැ පව් වැඩේනේ"

"අයියේ අපිට ලංකාවට කෝල් එකක් ගන්න විදියක් නැද්ද"

මම බොහොම දුකෙන් මගේ ෆෝන් එක දුන්නේ මමනේ දන්නේ රිලෝඩ් එකක් දාගත්ත අමාරුව. උන්ගේ ගෙදරට විස්තරේ කිව්වට පස්සේ මුන්ට නැවත ලංකාවට එන්න කියලා කිව්වලු එත් හිටපු එක මල්ලි කෙනෙක් ආපහු යන්න කැමති නැහැ තාත්තා වැඩ කරන කුබුර උගස්‌ තියලා තමා  මිනිහා මෙහෙ ඇවිත් තියෙන්නේ අනේ අයියේ මොනවා හරි උදව්වක් කරන්න කරලා දෙන්න කියලා අපිට ඇවිටිලි කරනවා

"අපිට කරන්න පුළුවන් දේ තමා මල්ලි මේ කරන්නේ වෙන එවුන් නම් මෙච්චර කරන්නෙත් නැහැ උබලට පොලිසිය ලගට ගිහිං දාලා යයි යන්න නවතින්න තැනක් හොයාගන්නවත් උබ ගාව සල්ලි නැහැනේ "

"මට ආපහු යන්න බැහැ අයියේ ඊට වඩා හොදයි බෙල්ලේ වැල දාගෙන මැරෙනවා අපිට තිබ්බ එකම කුබුර අයියේ මට රට එන්න උගස්‌ තිබ්බේ "

අවසානයේදී ඒ මල්ලි තීරණය කරා කොහම හරි ඉන්නවා කියලා අපිට ඉතින් ඊට වඩා කියන්නත් බැහැනේ අරුන් දෙන්නව එතන ලග තිබ්බ පොලිස් ස්ටේෂන් එකට එක්ක ගිහිං ඇන්ට්‍රියක දම්මලා ඉන් පස්සේ එයාර් ලයින් එකට කතා කරලා වෙච්ච් සිද්දිය පැහැදිලි කරලා සති දෙකකට පස්සේ දිනයක තිබ්බ රිටර්න් ටිකට් එක ඊලග දවසට හදා ගත්තා ශ්‍රී ලංකන් එයාර් ලයින්ස් හන්දා හොදා. එදා රැ මුන්ට ඉන්න තැනක් තිබ්බ නැති හින්දා අපි තාවකාලිව නතර වෙලා  හිටපු ගෙදරක්  කරන අයියට විස්තරේ කිව්වාම එක දවසක් ඉන්න කියලා අවසර දුන්නා අර නතර වෙන මල්ලි නාහෙන් අඩලා දවස් දෙක තුනක් ඉන්න අවසර ගත්තා අපේ කරදර ඊලග දවසවෙත් ඉවර වුනේ නැහැ මුන්ගේ අතේ තිබ්බ ලංකාවේ සල්ලි ටික මාරු කරවලා මෙයාලව එයාර්පොර්ට් එකට ටැක්සිය පිටත් කරා ගුවන් තොටුපලේ නම් ලංකාවේ අය ඕනි තරම් ඉන්න හින්දා කරදරයක් නැතුව අහගෙන කර ගෙන යන්න පුළුවන් අර නතර වුන මල්ලිට නම් මොනවා වුනාද දන්නේ නැහැ. අපි මෙයාලට උදව් කරේ අපි ආමාරුවේ වැටුන වෙලාවේ අපි කොච්චර අසරණ වුනාද කියලා අපි හොදින්ම දන්නා හින්දා.
                   ඔන්න ඔහොමයි පිටරටවල තත්වේ සින්ගපුරුවේ විතරක් නෙමේ මැලේසියාවෙත් මේ සෙල්ලම බරටම වෙනවා මැලේසියාවේ නම් නීති එච්චර තද නැති හින්දා ගොඩක් එන අය නතර වෙනවා පහුගිය දවසක මැලේසියාවේදී ඔහොම අතරමං කරපු කොල්ලෝ සෙට් එහෙකට අවුරුදකට විතර පස්සේ මුන්ව ගෙනාපු පොරව නයිට් ක්ලබ් එකක් ඇතුලෙදි හම්බ වෙලා ආය මොන කතාද වට වෙලා නෙලලා. හොදට ගුටි ගුටි කාලා පොලිසියෙන් එද්දී අරු මැරිලලු පිස්සු හැදෙනවා නේ. ඔයාලගෙත් දන්නා අයව මේ පිළිබද දැනුවත් කරන්න රට රස්සා දෙනවා කියන මිනිස්සුන්ගෙන් සීයට අනුනමයක්ම ඉන්නේ බොරු කාරයෝ. ලංකාවේ මහා කොමසාරිස් කාර්යාලයක් එහෙ තිබුනට මෙව්වා ගැන මිනිස්සුන්ව දැනුවත් කරන්නේ නැහැ ඔව්වා ගැන කතාකරලා වැඩක් නැහැ දේශපාලනික දේවල්නේ  එහෙනම් මම නවතිනවා.
 ජය වේවා.

Monday, July 8, 2013

සිංගප්පූරු අනාථ සිහින


මුස්තාෆා එක කියන්නේ එහෙ තියෙන්නේ ලොකු ෂොපින් මෝල් එකක් එකේ නැති මගුලක් නැහැ සින්ගපුරු යන එන හැමෝම මුස්තාෆා එකට ගොඩ වදිනවා ඉතින් ලස්සන ගෑනු ළමයි එහෙමත් වැහි වහලා :D අපි මේ ඒ පැත්තට යන්නේ පොඩි රස්තියාදුවක් ගහලා එන්න ටික දුරක් යනකොට අපිට ඇහෙනවා අඩන සද්දෙකුයි කාටද මහා හයියෙන් සිංහලෙන් බනින සද්දෙකුයි අපි වට පිට බැලුවා කොහෙන්ද සද්දේ එන්නේ කියලා එතන ලග බංකුවක ලංකාවේ කොල්ලෝ තුන් දෙනෙක් ගෙන් තමා මේ සද්දේ එන්නේ අපිට අහක බලං යන්න පුළුවන් කමක් තිබ්බේ නැහැ එතන හිටපු පොඩි මල්ලි කෙනෙක් අසරණ විදයට අපි දිහා බැලුවා උනුත් දැන ගත්තා අපි ලංකාවේ කියලා හිමිට අපි එතනට ගියා.

"මොකෝ මල්ලි කේස් එක?"

"අනේ අයියලා ලංකාවේද ? අනේ අයියේ අපිට පොලිසියට යන විදිය කියන්න පුලුවන්ද ?

"ඇයි මල්ලි මොකද්ද ප්‍රශ්නේ ඔයාලා අදද මෙහෙ ආවේ?" මම ඇහුවේ උන් ගාව තියන බෑග් දිහා බලලා

"ඔව් අයියේ අද පාන්දර අපි ආවේ අපි ගම දෙහිඅත්තකණ්ඩියේ අපි තුන් දෙනාටම මෙහෙ ජොබ් හොයලා දෙන්නම් කියලා අයියා කෙනෙක් අපිව මෙහෙ එක්කන් ආවා මෙහට ආවට පස්සේ අපේ සල්ලි අරන් ඌ යන්න ගියා අයියේ අපි උදේ ඉදන් බලන් ඉන්නේ ඌ එනකම් අපි තාම කාලත් නැහැ "

මම දැන ගත්තා මොකද්ද වෙලා තියෙන්නේ කියලා මේ ජාවරම සිංගප්පූරුවේ බොහොම ප්‍රසිද්ධ ඉතාම පහසුවෙන් සල්ලි හොයන කූට ව්‍යාපාරයක් මේකෙදි කරන්නේ මෙහෙ ඉදලා ලංකාවට යන ඩයල් එකක් බොරු පුරාජෙරුව දාල  මෙහං ජොබ් එකක් හොයලා දෙන්න පොරොන්දු වෙනවා මෙන්න මේ වගේ ටෝල්ක්ස් තමා දෙන්නේ.

"මොකටද අයිසේ මෙහෙට වෙලා දහදාහට පාලොස් දාහට මැරෙන්නේ එහෙ එනවකො අයිසේ ලක්ෂයක් දෙකක් මාසෙකට ගන්න පුළුවන්නේ "

"මේකයි මල්ලි ඇත්ත සිං කොන් එක සතියට දවස් 5 ක් පැය අට ගානේ වැඩ කරන්න ඕනි 8 ට වඩා වැඩ කරොත් OT හරිද ? සෙනදුරාදා ඉරිදා නිවාඩු උබලට කැමති නම් ඒ දවස් දෙකේ පාර්ට් ටයිම් කරලා තව ගානක් හොයා ගත් තැකි"

"පොඩ්ඩක් කට්ට තමා මල්ලි ඒ වුනාට මොකද අවුරුදක් දෙකක් දුක් විදලා කියක් හරි හොයාගෙන බිස්නස් එකක් කරගෙන ආතල් එකේ ඉන්නනෙ තියෙනෙන් දැන් බලපං මං දිහා යකෝ මම මුලින්ම යනකොට අතේ පිච්චිය නැතුව ගියේ මෙලෝ දෙයක් දන්නේ නැහැ අවුරුදු දෙකයි මං හරියට ගේම ගැහුවා උබලා දන්නවද මම ගිය මාසෙට 4  පාරක් ලංකාවට ඇවිල්ලා ගියා ටිකට් වියදමම ලක්ෂ 2 පැන්නා මම මාස දෙක තුනකට පාරක් ගෙදර මිනිස්සුන්වත් එක්ක යනවා රවුමක් දාලා එන්න"

"මල්ලි හැබැයි මම බොරු කියන්නේ නැහැ සැප විදින්න බලාගෙන නම් එන්න එපා එහෙම නම් රට යන අදහස හිතෙන අයින් කරගනින් පොඩ්ඩක් මහන්සි වෙලා ලක්ෂයක් දෙකක් හොයා ගන්න කැමති නම් වරෙන්"

"මල්ලි මේ කාලේ මිනිසුන්ව විස්වාස කරන්න බැහැ උබට මාව වුනත් විශ්වාස කරන්න බැහැනේ මට මුලින් සත පහක් එපා උබ ටිකට් එක විතරක් ගනින් රටට ගොඩ බැහැලා වැඩ කරන තැනට ගියාම මට ලක්ෂයක් දියන් වෙන එවුන් රට යවන්න ලක්ෂ පහ හය ගන්නවා මම නම් සාධාරණ මනුස්සයෙක් මල්ලි විසා එකේ වැඩ වලට ගියාම මට ඉතුරු වෙන්නේ පොඩි ගානක්"

"උබ ගාව සල්ලි නැහැ නේ අවුලක් නැහැ මට තේරෙනවා මල්ලි මාත් උබේ තැන ඉදලා ආපු එකෙක් නේ මට ලොකු ඕඩරයක් ඇවිත් තියෙන්නේ  මට කොල්ලෝ පස් හය දෙනෙක් සෙට් කරලා දීපන් උබ ටිකට් එක විතරක් ගනින්  උබට උදව්වක් විදියට උබව නිකම් ගෙනියන්නම් පස්සේ කාලෙකට උබ මට කියක් හරි දීපංකො"

මෙන්න මේ වගේ එකී නොකී සුරංගනා ලෝක මවලා ගම් වල ඉන්න අහිංසක කොල්ලෝ රවට්ට ගන්නවා උන් දන්නේ නැහැ සිංගප්පූරු වල on arrival විසා දෙනවා කියලා සල්ලි අතේ තියන් එන ඕන අපතයෙකුට ශෝපින්ග් කරන්න ආවේ කිව්වා ගමන් දවස් 14 කට හෝ දවස් 30 කට විසා වදිනවා ඔය පහසුකම ප්‍රයෝජනයට අරගෙන තමා අපේ එවුන් ජඩ වැඩ කරන්නේ ලගදීම ලංකාවේ එවුන්ට ඕක නැති කරනවා ඉන්දියාවට කරා වගේ.

කොහම හරි අර කොල්ලෝ තුන් දෙනාට ෆ්ලයිට් එකේදී ලියුම් තුනක් දීලා මේක තමා මල්ලි විසා එක මේක පෙන්නපං ඉමිග්රේෂන් ඔෆිසර් ට කියලා මම ලියුම ඉල්ලං බැලුවා එක මගුල් විසා එකක් නෙමේ එහෙ තිබ්බ ක්ලබ් ක්‍රිකට් මැච් එකක් බලන්න ඉන්විටේෂන් එකක් මුන් තුන් දෙනාට ඉංග්‍රීසි අකුරක් බැහැ මට මුන් එකක් තරහක් වගේම දුකක් හිතුනා

"පොඩ්ඩක් හොයලා බලන්ඩ එපයි මල්ලි එන්ඩ කලින්"

"හොදට අදුරන අයියා කෙනෙක් අයියේ අපිට අරුව අදුන්නලා දුන්නේ අනේ අයියේ අපි දැන් මොකද කරන්නේ"

"උබලා බඩගින්නේ නේද යමු මොනා හරි කාලා ඉමුකො"

"අපි ලග මෙහෙ සල්ලි නැහැ අයියේ රුපියල් 5000 ක් විතර තියෙන්නේ"

"යමුකෝ යමුකෝ "

අපිටම තමා ඉතින් කෙලවෙන්නේ කියලා හිතාගෙන කතාවේ ඉතුරු ටික අහගෙන කඩේ පැත්තට ගියා.

"අයියේ එයාර්පොර්ට් එකේ හිටපු චීනා අරුගෙන් මොනාද අහලා අහලා අපේ පාස්පෝර්ට් පොතට සිල් එකක් ගැහුවා අපේ හිතේ තිබ්බ බරක් හැල්ලු වුනා අයියේ අපි හිතුවා අපේ කරදර ඉවරයි තමා කියලා"

ඉන්පස්සේ   කෙලින්ම එක්කං තියෙන්නේ මුස්තාෆා ෂොපින්මෝල් එකට මෙයාලගේ බැග්ස් ටික කවුන්ටර් එකේ තියන ගමන් ආපු ඩයල් සික්කත් එක්ක කඩ්ඩෙන් මොනාද කතා කරාලු ඉන් පස්සේ  මෙයාලා දිහාට හැරිලා කිව්වලු  මල්ලි මෙතන තමා ඔයාලට වැඩ කරන්න තියෙන්නේ ඇතුලට යමුකෝ  කියලා මෙන්න මේක අතේ තියා ගන්න කියලා බෑග් ටෝකන් එකත් දීලා ඉන් පස්සේ උඩ තට්ටුවට එක්ක ගිහිං

"මල්ලි තාම ලොක්කා ඇවිල්ලා නැහැලු ආවම ඔක්කොම කියලා දෙයි දැන් පොඩ්ඩක් එහෙ මෙහෙ බලාගන්නකෝ"

"හොදයි අයියේ අපිට මොනාද කරන්නේ තියෙන්නේ"

"ඔය තියන වැඩක් කරන්න තමා මල්ලි බය වෙන්න එපා ඒක නෙමේ මල්ලි සල්ලි ටික තියනවා නේ ලැස්ති කරගන්නකො"

පොස්ට් එක දිග වැඩි වගේ ඊලග පොස්ට් එකෙන් බලමු මල්ලිලා ටිකට මොකද වුනේ කියලා අදට නවතින්නම් ජය වේවා .

Friday, July 5, 2013

සිංගප්පූරුවේ කාපු චාටර් 2


කාපු චාටරේ ගැන පහු ගිය ලිපිය බැලුවේ නැත්නම් මෙතනින් ගිහින් බලලා එන්ඩලා පහු ගිය ලිපිය ඉවර වුනේ අපි පොලොසියට කතා කරාට පස්සනේ කෝල් කරලා මිනිත්තු පහක් ගියේ නැහැ මෙන්න තොරණ වගේ ලයිට් පත්තු වේවි පොලිස් කාර් එක ආවා එකෙන් බැස්සේ චීන ජාතික පොලිස් මහත්මයෙක් සහ මැලේ ජාතික පොලිස් මහත්මයෙක් මෙන් දෙන්නා ආවා අපි ලගට කාගේත් හොදට ඉංග්‍රීසියෙන් වෙච්ච දෙබස මම සිංහලෙන් දාන්නම් හොදේ චීනා මම ලගට ඇවිල්ලා ඇහුවා සර් මොකද්ද ප්‍රශ්නේ කියලා එහෙම තමා එහෙ පොලිසියෙන් හැමෝටම සර් කියලා කතා කරන්නේ මම පැහැදිලි කරලා දෙන්න හදද්දීම අර ලෝයර් ඉන්දියන් කාරයා මැදට පැනලා කියෝගන කියොගන ගියා චීනා පොර දිහා අතින් සන් කරා කතා කරන එක නතර කරන්න කියලා අරු බල්ලා වගේ කටවහත්තා සර් මම මෙයාගෙන් ප්‍රශ්නේ අහලා ඔයා ලගට එන්නම් ඔයාගේ ප්‍රශ්නේ අහන්න පොඩ්ඩක් ඉවසන්න මුන් ඔක්කොම කතා කරන්නේ කැඩිච්ච ඉංග්‍රීසි ඕන යකෙට්ට තේරෙනවා ඒ බාසාව ඉතින් ආපහු චීනා මං පැත්තට හරුනට පස්සේ මම බොහම දුක හිතෙන විදියට අපේ කතාව කිව්වා ඊට පස්සේ අරුන් ලගට ගිහින් උන්ගේ කතාවත් ඇහුවා.
                                                                 ඇත්තම බැලුවොත් වැරැද්ද අපෙනේ ඒක මට චීන පොලිස් අයියා පැහැදිලි කරලා කිව්වා ඉන්පස්සේ  අරුන්ට කිව්වා මෙයාලා දැන් අමාරුවේ වැටිලා ඉන්නේ ඔයාලා උදව් කරන්න කැමතිද කියලා ඇහුවා අර බුරුවා ගත් කටටම බැහැ කිව්වා උන්ගේ වෙච්ච පාඩුවට ඩොලර් 1000 ක්ම ඕනිලු ඒ පාර නැවත චීන පොලිස් ටිකක තදින් කිව්වා මෙයාලා ස්ටුඩන්ට් ලා මේ වෙලාවේ හැටියට ඩොලර් 1000 ක් ගන්න එක අසාධාරණයි ගාන අඩු කරන්න කියලා අර බුරු ඉන්දියන් ලෝයර් පොලෝසිය එක්කත් ගේම ඉල්ලනවා නීති කතා කරලා අන්තිමට බෝකර් ගේ සහ අයිතිකරුගේ මැදිහත් වීමෙන් එයාලට වෙච්ච පාඩුව හැටියට ඩොලර් 500 ක් ගෙවන්න සිද්ද වුනා අපෙන් උන්ට වෙච්ච පාඩුව මොකද්ද අපි හින්දා පැය 7 ක් රස්තියාදු වීම සහ ලෝයර් ගාස්තු විතරයි ඕකට තමා 500 ක් ඉල්ලුවේ එත් ඒ වෙලාවේ හැටියට අපිට වෙන කරන්න දෙයක් තිබුනේ නැහැ අපේ අතෙනේ වැරැද්ද.
                                            අපි ගාස්තු ගෙව්වට පස්සේ බෝකර් සහ අයිතිකරු ලෝයර් එක්කම යන්න ගියා පොලිසිය අපෙන් ඇහුවා දැන් ඔයාලා කොහෙද යන්නේ කියලා අපි කිව්වා අපි යාලුව්ක්ගේ ගෙදර යනවා කියලා ඉන් පස්සේ උනුත් ගියා අපි එහෙම කිව්වට අපිට යන්න තැනක තිබ්බේ නැහැ අපි ගෙදරට ගත්ත ඇදවල් සෝෆා මේස අපේ ඇදුම් බෑග් එක්ක අපි ෆ්ලැට් එකක් යට තනි වුනා වුනේ මොකද්ද කරන්නේ මොකද්ද කියලා හිතා ගන්න බැරුව හිටියේ ඒ මදිවට මැරෙන්න තරම් බඩගිනි මුලින්ම අපි කරේ කිරි පැකට් ගෙනල්ලා බීපු එක ඉන්  පස්සේ අපේ ෆෝන් වල සල්ලි ඉවර වෙනකම් අපි දන්නා අදුනන යාලුවන්ට කතා කරා නවත්නින්න තැනක් හොයාගන්න කලින් පාර සල්ලි ඉල්ලන කතා කරපු හින්දා ගොඩක් අය ෆෝන් ආන්සර් කරේ නැහැ ඔන්න නමුත් ඒ අය පස්සේ මුනට හම්බවුනාම නම් කිව්වේ අඩෝ මට ඇහුනේ නැහැනේ නැත්නම් අපේ ගෙදර ගෙන්න ගන්නවනේ කියලා ඔන්න ඔහොමයි යාළුවො කොහෙමෙන් කොහම හරි අපි දැන ගත්තා අපිට අද ඉන්න තැනක් නැහැ කියලා ඊට පස්සේ අපි හෙව්වේ බඩු ටික දාන්න තැනක් අර මනේ කියන පොරගේ මල්ලි හිටියෙත් එහෙමයි උන් දෙන්නා තරා හින්දා වෙනම හිටියේ කොහම හරි මම කියලා කියලා මනෙට කියලා මල්ලිට කතා කරලා උන්ගේ ගෙදරට අපේ ඇදුම් බෑග් ටික විතරක්  දාගන්න කතා කරගත්තා, ඌ හිටපු කාමරේට අපේ අඩුම බෑග් ටික දැම්මෙත් බොහම අමාරුවෙන් මල්ලි හිටපු  කාමරේ තිබ්බේ ගේලන්ග් කියන පැත්තේ ඒ පුංචි කාමරේ  හැරෙන්නත් ඉඩ මදි එත් 8 දෙනක් නිදා ගන්නවා මාරුවෙන් මාරුවට තමා නිදා ගන්නේ ඔන්‍න‍ ඔහොමයි එහෙ ජිවිතේ.
                             අපි අමාරුවෙන් එකතු කරගත්ත අපේ බඩු ටීකා දාලා අපේ ඇදුම් විතරක් අරන් ගියේ හිතේ බොහොම දුකෙන් හෙට උදේට එනකොට මේ ටික නැහැ කවුරු හරි අරන් යයි එත් ඉතින් මොනා කරන්නද අපේ ඇදුම් ටිකත් අරගෙට දැම්මට පස්සේ අපි අපිට නවත්නින්න තැනක් හෙව්වා මුලින්ම කතා වුනේ හොටෙල් එක්ක නතර වෙන්න ඊට පස්සේ අපි කල්පනා කරා අපි ලග තියෙන්නේ දැන් ඩොලර් 1000ක් විතරයි අපි හෙට කොහමත් ඉන්න කාමරයක්  හොයාගෙන එකට ඩිපොසිට් දෙන්නත් ඕනි ඇත්තටම අරුන් තුන්දෙනවා දාලා මගේ ඩොලර් 1000 අරන් මට කාමරයක් හොයාගන්න තිබ්බේ එත් එකට කාපු බීපු එවුන්ව එහෙම දාලා යන්න මට බෑ ඒක හින්දා අපි තීරණය කරා සල්ලි ඉතුරු කරගන්න පාරේ හරි ඉමු කියලා දැන් වෙලාව 10 ට විතර ඇති කෙලින්ම අපි ගියේ කෑම කඩේකට ගිහිල්ලා ඩොලර් 2 කේ බත් 4 ක් කෑවා ඉන් පස්සේ අපි කොහේ හරි පාර්ක්‌ එක්ක නිදා ගන්නවා කියලා හිතාගෙන පාර්ක්‌ එකක් හොයාගෙන ඔහේ ඇවිද්දා අපේ කරුමෙට ඒ හරියේ පාර්කුත් නැහැ ඇවිදිනකොට අපිට එහෙ නැෂනල් ස්ටේඩියම් එක ලගින ගියා අපි දැක්ක ඒ හරියේ කවුරුත් හිටියේ නැහැ දෙපාරක් හිතන් නැතුව ස්ටේඩියම් එකට ලගින අලි පඩි තාවකාලික ඇද කරගන්නවා කියලා හිතා ගත්තා.
                                                      හිතේ අමාරුවටයි ඇගේ අමාරුවටයි පඩිය උඩ දිග ඇදුනට නින්ද අහලවත් තිබ්බේ නැහැ කට්ටිය සද්ද නැතුව මොකද්ද මේ අපිට වුනේ කියලා කල්පනා කරා අපිට ගොඩක් තැන් වල වැරදුනා මොකද කවදාවත් නැතුව ඉන්දියන් හැත්තව විස්වාස කරා අනික අන්තිම මොහත වෙනකම්ම් බලන් හිටියා මෙව්වා කලින් කරගන්න තිබ්බ කොච්චර හිතුවත් පුදුම දුකක් තරහක් හිතේ තිබුනේ වෙනදට ක්ලබින් ගිහින් ආරහේ මෙහෙ ගිහින් කොච්චි පටන් ගන්නකන් ස්ටේෂන් වල නිදාගත්තට යන්න එන්න තැනක් නැතුව හිගන්නෝ වගේ මෙහෙම නිදා ගෙන ඉද්දි එන හැගීම පුදුම වේදනාවක් දෙන්නේ අන්තිමට පාන්දර 4 ට විතර පොඩ්ඩක් නින්ද ගියා එත් පැයබාගයක් නිදා ගන්න වුන්නේ නැහැ එලිය වැටිලා එහෙමම අපි එතන ස්ටේෂන් එකෙන් මුණ කට හොද ගෙන ලිටිල් ඉන්ඩියා පැත්තට ගිහින් ඉන්න තැනක් හෙව්වා අන්තිමට අපිට එලොවටත් නැති මෙලොවටත් නැති කොල්ලෝ 30 ක් විතර ඉන්න මකුණෝ පිරිච්ච ගරා වැටිච්ච බිල්ඩිමක අපාර්ට්මන්ට් එකක් හම්බ වුනා ඒ වෙලාවේ හැටියට දිවියලෝකයක් හම්බ වුනා වගේ අරුන් තුන් දෙනා ලගම සල්ලි නැති හින්දා මම උන්ටත් එක්ක ඩිපොසිට් දුන්නේ පස්සේ දවසක උන් ගෙදරින් සල්ලි ගෙන්නාගෙන මට සල්ලි දුන්නා නමුත් අදටත් මම උන්ට කරපු උදව් අමතක නැහැ ඒක ලොකු සතුටක් මට ඔන්න ඔහොමයි සින්ගපුර් ජීවතේ, අපි මේ කරදරේ වැටිලා ඉද්දිත් කරපු හොද වැඩක් ගැන ඊලග පොස්ට් එකෙන් දාන්නම් අදට නවතිමි.