Sunday, June 30, 2013

සිංගප්පූරුවේ කාපු චාටර්



                                                     ටික දවසකින් මොකුත් ලිව්වේ නැත්තේ ලියන්න මුඩ් එකක් නැති හින්දා ඔන්න පුංචි මුඩ් එකක් ඇවිල්ලා මම කාපු තවත් කටු රාජයෙක් ගැන ලියන්න යන්නේ මේක වුනෙත් මම සිංගප්පූරුවේ හිටපු කාලේ තමා අදටත් මතක් වුනාම දුකක් සහ කේන්තියක් එන්නේ මේ සිද්දිය ගැන, මේ සිද්දිය වෙනකොට මමත් එක්ක එහේ එකට හිටපු රජා නිවාඩුවට ලංකාවට ආවා ඒ දවස් වලම වගේ අපි හිටපු ගෙදර බොහෝදෙනෙක් එයාලගේ ඩිග්රි එක ඉවර වෙලා ලංකාවට යන්න සුදානම් වෙලා හිටියේ ඉතින් ගෙදර අයිතිකාරයත් ගේ ආපහු ඉල්ලපු හින්දා අපිට එහෙං යන්න වෙලා තිබ්බේ මමත් එක්ක ෆිට් එකේ හිටපු කොල්ලෝ තුන්දෙනෙක් තමා මනේයි කලුවයි කිෂෝයි ඉතින් අපි හතර දෙනා කතා වුනා තව කොල්ලෝ ටිකක් හොයාගෙන ගෙයක් කරන්න මොකද සිංගප්පූරු වල ගෙයක් කරනවා කියන්නේ හෙන ලාබදායි ව්‍යාපාරයක් අපේ ජිවන වියදම සැහෙන්න අඩු වෙනවා හැබැයි ලොකු ටෝල්ක් දුන්නට අරුන් තුන්දෙනා ගාවම සල්ලි තිබ්බේ නැහැ හිදිලා කියන්නේ උන් නට්ටේටම හිදිලා තිබ්බේ කන්නවත් සල්ලි තිබ්බේ නැහැ උන් වැඩ කරපු තැනින් පඩි දෙන්න මාස 3ක් විතර පරක්කු වෙලා ඉතින් වැඩි බරක්  වැටුනේ මට තමා .
                                                                      එහේ ගෙයක් කරනවා කියන එක ලේසි නැහැ ගොඩක් සල්ලි යන වැඩක් අපි බලපු අපාර්ට්මන්ට් එකට මාසෙකට ඩොලර් 2000 ක් ගෙවන්න වෙනවා ඉතින් ගේ ගන්නකොට මාසෙක රෙන්ට් එක  ඩිපොසිට් එකක් විදියට තියන්න ඕනි ඊට අමතරව තව රෙන්ට් ඒකෙන් බාගයක් බෝකර් ගාස්තු විදියට ගේ හොයල දෙන බෝකර්ට දෙන්න ඕනි එක තමා එහේ නිතිය ඉතින් මෙච්චර ගානක් අපිට හොයාගන්න අමාරු හින්දා අපි ගෙදරට ගන්න කට්ටියව හොයන්න ගත්තා ඒ වෙනකොට අපේ හිටපු ගෙදර හිටපු ඉන්දියන් කාරයෝ තුන්දෙනෙක් ඔන්න වැඩේට සෙට් වුනා උන්ගෙන් ඩොලර් 1500 ක් එනවා මං ගාව 1500 ක් තිබ්බා තව ඩොලර් 2500 ක් ඕනි ඉතින් ඔය මාත් එක්ක හිටපු මනේ කියන පොර හෙන චරිතේ පොරට කොහේ ගියත් යාළුවො වැහි වැහලා ලිට්ල් ඉන්දියා පැත්තේ ගැන්සි බැහැපු එකෙක් තමා ඩයල් එක ඉතින් මිනිහා තව ලංකවේ කොල්ලෝ දෙනෙක් සෙට් කරා උන්ගෙනුත් 1000 ක් එනවා තව 1000 මනේ දාන්නම් කිව්වා කළු ගාවයි කිෂෝ ගාවයි සල්ලි තිබ්බෙම නැහැ උන් පඩි ගත්තාම තමා රෙන්ට් එක දෙනවා කිව්වෙත් මොනවා කරන්නද උන්ව දාලා යන්න බැනේ එත් තව 500 ක් මදිනේ ඉතින් අපි බෝකර් කාරයට අඩලා අඩලා පොර ඩොලර් 500 ක් අඩුවෙන් ගන්න පොරොන්දු වුනා. ඔන්න ඉතින් අපි හරි සතුටෙන් ඔක්කොම ප්ලෑන් කරා අපිට හිටපු  ගෙදරින් යන්න තියන අන්තිම දවස්වේ තමා අලුත් ගෙදරට යන්න දාගත්තේ ඉතින් අපි ලංකාවේ අයියා කෙනෙක්ගේ ලොරියකුත් කතා කරලා බඩු ටික ෆ්ලැට් එකේ පල්ලෙහාට ඇදලා ලොරිය එනකම් බලන් හිටියා  අර ඉන්දියන් එවුනුත් අපිත් එක්කම උන්ගේ බඩු ටික පල්ලෙහාට අද්දා.මනේ සෙට් කරපු ඩයල් දෙක අලුත් ගෙදරට කෙලින්ම එනවා කිව්වා 
                                                           මොනවට කියනවද ලංකාවේ එවුන්ගේ වැඩ ලොරිය අයියා නෑ පොර මේ දැන් එනවා මේ දැන් එනවා කියා කියා ඉදලා අන්තිමේට පැය හතරක් පරක්කු වෙලා ආවේ අර බෝකර් කාරයා ඒ අස්සේ කෝල් කර කර කෑ ගහනවා ඉක්මනට එන්න අයිතිකාරය ඇවිත් ඉන්නේ කියලා පොරවත් ශේප් කරලා කොහම හරි බඩු ටිකත් පටවාගෙන අපි අදාළ ස්ථානයට ගියා කොල්ලෝ ටික බඩු බානකං මම ගෙදර අයිතිකාරයා සහ බෝකර් එක්ක එකතු වෙලා ලියකියවිලි ටික සුදානම් කරනවා ගෙදර අයිති පොර බොහොම වයස් ගත චීන ජාතිකයෙක් එයා ඇවිල්ල හිටියේ පොරගේ ලෝයර් එක්ක ඌ ඉන්දියන් කාරයෙක් මට මුණ දැක්කම එපා වෙන ජාතියෙක් එකෙක් උන්ට සැහෙන්න මල පැනලා තිබ්බේ අපි පරක්කු වුන එක ගැන කොහමහරි  ඔන්න දැන් ඇග්‍රිමන්ට් එක අත්සන් කරන්න කලින් සල්ලි ටික ගන්න කිව්වා මම මනෙට කෝල් කරා සල්ලි ටික අරන් උඩට එන්න කියලා  එතකොට මනේ කියනවා අයියේ පොඩි ප්‍රශ්නයක් වෙලා පොඩ්ඩක් පල්ලෙහාට එන්නකෝ කියලා ඉතින් මම බෝකර්වයි ලෝයර් වයි  ශේප් කරලා තකහනියක් පල්ලෙහාට බැස්ස මොකද්ද අවුල බලන්න මම යනකොට වැඩේ වෙලා ඉවරයි. 
                                                     අර අපිත් එක්ක ආපු කාලකන්නි ඉන්දියක් එවුන් තුන්දෙනාට වෙන ගෙයක් අඩුවට සෙට් වුනා කියලා මුන් බඩු ටිකත් අරන් යන්න ගිහින් මට යකශ්‍යා ආවේශ වුනා උන්ට කෝල් කරා කරා ආන්සර් කරන්නෙත් නැහැ මම දැන ගත්තා අපිට කෙල වෙන්න යන්නේ කියලා මම මනේ ගෙන් ඇහුවා දැනේ උබේ යාලුවෝ දෙන්නා කෝ කියලා

"අයියේ අර ඉන්නේ උන් දෙන්නා" කියලා මහා මැරාටි පෙනුමක් තියන ඩයල් දෙකක් පෙන්නුවා සුවර් එකට උන් පුසෝ (විසා නැතිව හොරෙන් ඉන්න උන් ) 

"අයියේ මාර සිං එක උන්ට සල්ලි හම්බවෙන්නේ හෙටලු මොකද කරන්නේ?"

 මනේ එහෙම කියද්දී මට හින් දාඩිය දැම්මා මම එහෙමම එතනම බිම ඉද ගත්තා වෙලාව හවස 6 ට විතර ඇති මොකද්ද කරන්නේ කියලා හිතා ගන්න බැරි වුනා අපේ අතේ තියන සල්ලි ටික හොදටම මදි ගේ ගන්න ෆෝන් එකේ තිබ්බ සල්ලි ඉවර වෙනකම් එහේ හිටපු දන්නා අදුරන හැමෝටම කතා කරලා උදව් ඉල්ලුවා නමුත් ඒ කාටවත් අපිට උදව් කරන්න විදියක් තිබ්බේ නැහැ ගෙදර අයිති කාරයාට හොදටම තරහා ගිහින් ඩිල් එක ෆිනිෂ් කරන්න උඩට එන්න කියලා හෝ ගලා බනිනවා වෙලාව රෑ 7.30 යි මොන මගුලක් වෙද්දෙන් කියලා හිතලා  මම මනේවත් එක්ක උඩට ගියා ගිහින් ඇත්ත විස්තරේ කිව්වා සහනයක් ගන්න බලාගෙන මොන සහනෙද අර ලෝයර් කාරයා බල්ලා බුරනවා වගේ බනින්න ගත්ත උන්ව පැය 5 ක් තිස්සේ රස්තියාදු කරලා මොන මගුලක්ද කරන්නේ කියලා අහනවා අපි පට්ට පල් බොරු කාරයෝ ලු තක එක එක කතා කියලා අම්බානෙකට බනිනවා  මම පාඩුවේ අහගෙන ඉන්නවා මොනා කරන්නද මම ට්‍රයි කරන්නේ වැඩේ ගොඩ දාගන්න  ඒ අස්සේ අරු බනින එක අහන් ඉන්න බැරුව මනේ ඌ එක්ක කෙලගන්න  ගියා බොහම අමාරුවෙන් එක ශේප් කරලා මම ගේ අයිතිකාරයට බොහම පැහැදිලව කරුණු පෙන්නලා දුන්නා අපිට දැන් යන්න තැනක් නැහැ බඩු ටිකත් අරන් ආවේ අපිට දැන් අතේ තියන සල්ලි ටික අරන් ගේ දෙන්න දවස් දෙකක් ඇතුලත ඉතුරු සල්ලි ටික හොයලා දෙන්නම් පොරොන්දු වුනා අනේ ඔහු ඇත්තටම හොද මනුස්සයෙක් එයා කැමති වුනා අපිට ගේ දෙන්න නමුත් අර කාලකන්නි  ඉන්දියන් ලෝයර් දිගින් දිගටම අපෙන් ගේම ඉල්ලුවා ඒ මදිවට එයාලගේ පාඩුව සහ කාලය වෙනුවෙන්  වෙනුවෙන් ඩොලර් 1000 ක් ඉල්ලනවා ඒ වෙලාවේ තමයි තරු විසික් වුනේ මගේ පාස්පෝර්ට් එක සහ එහේ අයිඩෙන්ටි කාර්ඩ් එක පොර ලග එක දෙන්නැතුව සල්ලිම ඉල්ලනවා අන්තිමට අපිට සිද්ද වුනා අන්තිම තුරුම්පුව වුන පොලිසියට කතා කරන්න පොලිසිය ඇවිල්ලා අපිට තවත් කෙලවෙයිද? නැත්නුම අපිට ගොඩ දායිද කියලා ඊලග කොටසෙන් බලමුකෝ එහෙනම්

 මතු සම්බන්ධයි 

5 comments:

Praසන්ன said...

මාර චාටර්එකක්නෙ කාල තියෙන්නෙ.

Naleen Dilruksha said...

අපේ සිරා මලයත් සිංගපුපූරුවේ කාපු කටු ගැන පෝස්ට් දෙක තුනක් ම දාල තිබ්බා. මේ චාටර් නම් කියල වැඩක් නෑ තමා.
samakayawate නලින්

Kasun said...
This comment has been removed by the author.
sanjeewa mendis said...

මොකද බන් කොමෙන්ට් කොටුව "කැම්ටි නම් විටරක්"කියලා දාලා තියන්නේ අපි කැමති උබ ලියන්නේ නැටි එකනේ තියන ප්‍රසෙනේ. ඉදලා හිටලා මොනවා හරි කුරුටු ගාපන්
ජයවේවා

kkroxc said...

දිගටම ලියන්න තමා උත්සහ ගන්නේ මොකක් හරි එනවා ඉතින් කචල් එකක්

Post a Comment

කැමතිනම් විතරක්